Xa estará o río Soldón cantando na paisaxe de neve. Os homes, o gando, os castiñeiros núos, o oso da terra, dormidos en soños de eternidade. Os homes durmen ca faciana volta ao nascimento da luz.
Eu sinto viva a irmandade dos homes e das cousas na beleza dista terra soñadora e tráxeca. Fartura de beleza e fame da xusticia. Anceio de ser "nós". Ascésis da sombra pra merescer a luz.
Pasa a onda de pó escintilante, cinguindo un intre o van da terra. E volta a soñar.
Follas de vagar
Eduardo Moreiras
Fotografías © Roque Soto Soto
Comentarios