MÚSICA TRADICIONAL DE QUIROGA

Outros enfoques

Eduardo Blanco Amor (1897-1979), home de letras, nado en Ourense, pero viaxeiro por diferentes circunstancias que teñen que ver coa súa andaina de xornalista ou pola de exiliado en América, foi así mesmo un apaixonado da fotografía que utilizou para captar imaxes dos sitios polos que percorreu coa curiosidade, a máquina de escribir e a cámara ao lombo.

Unha das súas afeccións, a fotografía, da que se conserva un nutrido e curioso arquivo, deuse a coñecer mediante exposición e catálogo na súa cidade natal hai agora 25 anos, grazas ao Clube Cultural Alexandre Bóveda.

O inesquecible autor de obras senlleiras de literatura galega ten neste espazo una reducida colleita de fotografías feitas en Galicia en diferentes etapas da súa vida.