Soidade

Xa ren na vida.
Nin me saúdan os pinos
nin me bican
os paxaros no camiño.

Nin lunce o sol.
Nin danzan bolboretas -ilusiós-.

Nin timbrazos de grilos
a chamar ordenanzas
-as lembranzas-
na noite -a door- durmidos.

Nin o gong do sapo
anunciando ó vento
o meu número no campeonato.

Xa ren, saudade.
Nin merlos.
Nin nenos.
A miña anguria núa na fosca soedade.


Fírgoas (1933)
Manuel Luís Acuña

Fotografías de © Robbie Sean

Comentarios

Publicacións populares