En busca da cagalla do lagarto

abril 03, 2019

Capas

The Hissing Of Summer Lawns (Asylum) 1975

Joni Mitchell

Portada: Ilustración de Joni Mitchell

Joni Mitchell deu un salto cualitativo na súa carreira discográfica coa gravación do elepé The Hissing Of Summer Lawns, posto á venda en novembro de 1975, ao penetrarse máis seriamente nun son aberto ao vangardismo e a música étnica, coa presenza de instrumentistas novos e algúns personaxes da Costa Oeste habituais no seu círculo de amizades do ámbito da música.

A cantautora canadense non se esqueceu de xéneros habituais da súa discografía, como indica a primeira peza do disco, a clásica da canadense, In France They Kiss On Main Street, excelente encontro entre pop rock e jazz, pero sorprende o toque multicultural resonancias africanas na obsesivamente percusiva The Jungle Line. Mais nas sucesivas composicións Joni Mitchel continúa a súa entón procura dunha liña musical, introspección que serviu á cantautora de Alberta para profundar aínda máis nun jazz aberto e nada ortodoxo, unha procura que lle deparou a consideración dun público máis amplo do que captara coas cancións da súa primeira etapa na década de 1960.

Edith And The Kingpin, The Hissing Of Summer Lawns, Sweet Bird e Shadows And Lights representan esa parte do LP (sétimo de estudo) que transcende máis aló do seu tempo de gravación ao manter as cancións citadas unha frescura perdurable tan habitual na discografía de Joni Mitchell.

Cancións: In France They Kiss on Main Street Mitchell. The Jungle Line. Edith And The Kingpin. Don’t Interrupt The Sorrow. Shades Of Scarlett Conquering. The Hissing Of Summer Lawns. The Boho Dance. Harry’s House/Centerpiece. Sweet Bird. Shadows And Light.

Músicos: Joni Mitchell (guitarras, piano, teclados e voz), Jeff Baxter (guitarras), Max Bennett (baixo), Larry Carlton (guitarras), Robben Ford (dobro e guitarras), Joe Sample (teclados e piano eléctrico), Victor Feldman (percusión, conga, teclados, piano eléctrico e vibráfono), James Taylor (guitarra e voz), Graham Nash (armónica e voz), David Crosby (voz), Wilton Felder (baixo), Chuck Findley (trompeta e flugelhorn), John Guerin (batería, moog sintetizador e arranxos), Bud Shank (frauta, frauta baixa, saxofón e vento), Dale Oehler (cordas e arranxos de corda) e Warriors Drums Of Burundi (percusión).

Máis portadas: Hejira (1976), Don Juan's Reckless Daughter (1977), Mingus (1979) y Shadows And Light (1980).