Cadaver patriótico

Presumen de dereitos humanos
os tortos
e dánno-la súa xeografía
de arames.
Hai gorleo de tise,
rebaño en fenda
a espada-crucifixo.

Sobre campas de exánimes
as sementes de touros farrapentos.
As sementes, labrego,
as túas sementes, proletario.
Quen preside a lupanda
destes crimes?
En danza as homilías,
o sarcófago ilustre,
o cadáver patriótico.



Rol de cantárida
Eduardo González Ananín 

Fotografías de © Nick Brandt

Comentarios

Publicacións populares