Disme que che fale sobre a miña vida.
Eu propóñoche un poema sobre a tolemia.
Martha Kornblith
A nena que aos trece toleou á escola
son eu
a que entende de elegancia
a que sabe de andares sociais e artísticos
a que coñece de tendencias e de maquillaxe
a que gaña as olimpíadas de álxebra
a que sabe de historia
a que corrixe a ortografía e a sintaxe do resto
e a quen o resto pregunta o significado das palabras
a que manexa o seu dormitorio como área platinium
e o seu email e o seu número telefónico son top secret
a que non fai amigas, elíxeas
a que organiza pixamadas con exclusive pass
a que lle di non ao míster verán
a que queda co solista no ballet
e o protagónico na obra de teatro
a que causou conmoción ao marcharse da cidade
(e non soubo empezar de novo)
Pero iso que che fai a angustia
iso que non ten máis anuncio que unha imaxe distorsionada nunha canle local
iso que está na calzada
iso que cualifican de pasional
iso que é un espallo de ósos crebados e sangue
iso, non son eu.
Preview
Milenka Torrico Camacho
Fotografía de ® Candela Pérez Tejelo
Comentarios