ALBORADA

 

Alborada

Perdéronse na noite dous luceiros,

a lúa vai verrando pola estrada:

Que escomence a alborada!

Esmorecéu na noite a galanura,

murcharon os loureiros coa xiada:

Que escomence a alborada!

Pranto e door no corazón do vento,

Pranto no corazón da namorada:

Que escomence a alborada!

Inxertade palletas e punteiros

nas flores que orballóu a madrugada,

que van polas estrelas dous gaiteiros

Que escomence a alborada!

Manuel de Dios Martínez

Pinturas de  ® Caspar David Friedrich