EU FUN O AMANTE DE LADY CHATTERLEY

 

Eu fun o amante de Lady Chatterley
ao rachar do serán a curvatura.
As nádegas da lúa apontaban en ningures
o novo rumbo dos equinoccios.

Flossie ouveaba choivas de azures,
xofre adoescente na derradeira batalla,
Flossie do solpor, alpendre, daffodilo,
velahí Constanza que coñecía.

Non é bo asimilar esposos paralíticos,
tampouco secarse baixo a mesma volvoreta,
sentir que a bágoa caéu na mina de wolframio,
nin xiquera sei onde puxen as muletas.

Si eu fora gardaboscos envolveríache, Constanza,
cun vagalume roubado dun Bentley, vello estilo,
pro hoxe, calqueira necesita un pai
e un rumor de sabas pra se cubrir alleo.

Paisaxe de Glasgow
Vicente Araguas

Pintura de Henri Gervex