ENTRE O FUME
Ten a voz enrouquecida
como unha trompeta que eu coñezo
como unha trompeta que eu coñezo
E os beizos afeitos ó buligar dun meigo.
A noite ten a súa mesma traza
e trema como a terra
cando eu a provoco.
e trema como a terra
cando eu a provoco.
Ás veces,
semella que se irá por entre o fume
como un trasno burlón
pero eu gusto do seu tabaco,
ese arrecendo que zumegan as sabas
cando ela dorme
sen prestarme os seus ollos.
Entón pecho as fiestras
e quédome a escoita-lo seu silencio
que é como un neno solitario
que xoga polo patio.
Voces do alén-mar
Roberto Díaz (Avellaneda-Buenos Aires, 1938-2011)
Imaxe de Susan Sarandon nun fotograma do filme Thelma & Louise, 1991, de Ridley Scott.
Comentarios