CATRO SÍLABAS SEN CORPO

  

No alén do sartego

Hai pugas ourizadas que te rouban
                                 que arrastran o teu nome
nas gorxas,
                                 que tripan a túa chama.
Que ferida é esa pola que te escoas?
Liberdade.
Catro sílabas sen corpo.
E haberá que inventarte amasándote sempre
en cada despertar,
na dor de cada intre,
no rostro dos fusilados?
Chórate o cativo
neste reino de xaulas
que apodrece refolgos,
                       alas,
                       sementes, 
máis alá do sartego.

Eduardo González Ananín

Fotografías de Fernando Vergara/Foto AP