LETRAS GALEGAS 2022-PANDEIRADA

Pandeirada

Nenas, vinde á pandeirada,

que sinto, no peito, o adufe

do meu desexo, rapazas.

Os ollares churrusqueiros

son mans a bater no adufe

que anda a soar no meu peito.

Nenas, vinde á pandeirada,

a pór acordes co adufe

ás ferreñas das risadas.

estoupe, que estoupe, que estoupe o pandeiro;

nas bocas floridas que estoupen os beixos;

estoupen os risos e os salaios ledos;

estoupe o xustillo, gaiola dos peitos!

Ledicia da pandeirada:

arcos-peitos, branco-adufe,

frechas-tentaciones o rachan.

Eléctrico de sexos

vai estoupar meu adufe

co bater dos vosos beizos.

Ledicia da

pandeirada: acordes co meu adufe

vosas ferreñas, rapazas.

Tanxe, que tanxe, nena rebuldeira,

coas mans que buligan coma bolboretas.

Tanxe, que tanxe, tamén eu tanxera

a bicos, o adufe da boca vermella!

Galicia infinda

Florencio Delgado Gurriarán

Láminas de © Luis Davila