REGATO, TORRENTEIRA, AUGA SEREA

Quen me dera!

I

Regato que te vas rindo,

regato que marmullando

vas entre ulidos de froles,

rebrincando polo prado, 

posme cubiza ¡abofellas!

quen me dera ser regato!

II

A vida é torrenteira que se desploma

antre penedos feros dende moi alto,

cega, non mira o fondo,mais cando o mira

e voltarse pode, chea de espanto

perde a cabeza e caie

feita pedazos.

III

A vida non é a auga, doce, homildosa,

coma a auga serea do teu regato!

Avelino Gómez Ledo