CANDO TE SOMES NA LECTURA DO LIBRO

Se vas morrer na guerra leva un libro

Se vas morrer na guerra leva un libro contigo
podes gardalo como billeteira ou frasco de licor
no peto esquerdo do corazón por se a ferida

                                             /vai dar aló

Pode entreter unha espera mentres agardas
a enfermeira que te libre da dor.

Se vas morrer considera utilizalo como almofada
sempre se consegue o efecto digno e desexado.

Se sofres problemas de circulación baixo as canelas                                                   /terá a súa función

Leva un libro de lombos duros en que pousar a copa 

                                                         /de champaña
e recitar deseguido un canto de amor.

O libro non ten por que tratar dun tema concreto

máis cómpre que leve moitas letras, sempre máis

                                                        /que menos,

se cadra poder abrir pola metade e improvisar

nun momento de apuro, poñerlle música e botar

                                                            /a bailar.

Na guerra hai momentos de lecer, cando te somes

                                               /na lectura do libro

andas nunha bebedala inmerso en mil historias 

                                 /que che farán perder pé.

Se caes prisioneiro terás a gala ser considerado

                                          /polo menos lector

daranche da biblioteca unha cela próxima de 

                                                 /habitación.

Se alguen se burlase do teu libro dille que é unha boa                                                                    /táboa

na que picar un chourizo ou unha cenoria.

Se vas á guerra morrer que teña tapas e moitas follas

para tapar furados incontrolados,

se perdes o libro mantén intacta a memoria

e lembra que coa poesía e as palabras

son as guerras mellor gañadas.

A elegancia do século

Pura Tejelo

Imaxe. 

Fonte: Archivo Fotográfico de la Delegación de Propaganda y Prensa de Madrid durante la Guerra Civil