NUBES FUXITIVAS QUE DELATAN A CHUVIA

E sentín a chuvia

Conmigo amabas ese espacio

a aurora e os acenos das aves

que sinalan outonos no misterio dos ciclos

celestes

que sobrevive ó tempo

nas rexións esvaídas polo inverno

no norte e as camelias

Amábamos as nubes fuxitivas

que
delatan a chuvia e o mar que se confunde coa esperanza

cando chega o verán daquela infancia fascinada

Amábamos tamén a primavera

As prímulas

As lilas

As pálidas anémonas de floración temprana

coma as fontes

E sobre todo amabas as violetas...

Prometeo a flor de loto
Luz Pozo Garza

Pinturas de Pierre-Auguste Renoir