DEDOS POR RAÍCES

Muller fractal

No medio do insomnio

do soño da vida,

está, muller, o teu corpo

en cama repousando.

Véxoche brío de árbore

e dedos por raíces,

con ramaxe cabeleira

e froitos no peito.

E cada man rama reproduce

cabeza, pés e mans

e cos cinco pétaos,

pareces encolleita flor pentámera,

a túa vulva, a súa metáfora

con lanuxe cáliz pubeco

e por pistilo o clítoris

na corola; antes de muller

tiñas por sangue zume.

Mario Calderón

Pintura La Anunciación, de Mati Klarwein