ENTRE A PÚRPURA INXEL DAS CONTRALUCES

 

Solpor no mar

Agaveo do mar. Algarabía
entre espacio e distancia proclamada.
Entéstaseme o espírito. Arelada
do peito, fronte á escuma salgadía.

Contraluces de sombras. Teimosía
rásame o soño en ágora dourada.

Xistras da bocanoite anticipada

a luz crepuscular fía e desfía.

Entre a púrpura inxel das contraluces

acho o menhir e o dolme. Acho as cruces

batidas por milleiros de garúas.

Acho as gaitas soando. Nos albeiros

un agochar tremante de luceiros

fai conxunción coas ondas e coas lúas.

Desmemoriado río

Pura Vázquez

Fotografías de © Emilio Blanco "Milucho"