NOSO CINEMA DE VECIÑANZA

Jodie Foster

Unha preciosa Iris de doce anos

en relación perversa

co taxista máis famoso do cinema,

Travis Bickle, en Taxi Driver

de Martin Scorsese.

Para o asombro púber,

unha nena disposta

a todo na pantalla.

Despois o nomeamento ao Óscar.

Outra vez, Jodie en Acusados

de Jonathan Kaplan

-xa en 1988.

E logo a Foster

no bordel de Shadows and Fog de 1992.

O descubrimento da nena

Alicia Christian Foster,

nesa pantalla de cuartoscuro

do noso cinema de veciñanza.

Ese neno que residín é un espectador sempiterno

da muller máis bela do mundo

segundo a revista People de 1992,

cuxo nome artístico

foi asignado ao asteroide 17744

da serie (1998 BZ31),

descuberto o 18 de xaneiro daquel ano.

Daniel Téllez 

Fotogramas dos filmes Taxi Driver, 1976, de Martin Scorsese, e Contact, 1997, de Robert Zemeckis