UN ENSAIO URBANO

A cidade

Este non é o paraíso nin o anteparaíso

Gladys González

Na cidade é fácil mirar á rúa sen espantarse.
O noxo maniféstase en todas as súas formas
e ninguén vomita.

Hai cans fracos como pantasmas.
Cargan no fuciño a dor de todas as xeracións
e o lixo nas fachadas
é o paso do home polo mundo.

Os pequenos problemas das cidades
son os cataclismos dos pobos,
pero hai quen goza da simulación.

Ao sur todo é un ensaio urbano.
O único fume visible sae do volcán.
Hai poucas avenidas
e predomina o cheiro a vaca.

Deus ri:

Primeiro serán as pragas,
despois os edificios.

Cristina Meza

Imaxes feitas con Intelixencia Artificial por @lapetitemachine