MOVEMENTO CALMO

(barco na escuridade)

estou sentado nun barco

e a escuridade é o barco no que estou sentado

o barco está en movemento calmo         Escura

e matutina noite                          A auga é negra

está en movemento calmo                                 Alá

está a costa e as casas            Escoito as ondas

golpeando a costa

e penso que as casas son brancas

estou sentado nun barco

e non hai unha soa persoa

estou sentado nun barco e son

unha auga sen ondas

non son unha persoa

e hai calma

porque xa non son persoa

son calma nun barco

son a escuridade nun barco

e todo é azul e está escuro

tan húmido e escuro

Jon Fosse
Premio Nobel de Literatura 2023

Gravados de Ricardo Baroja