QUENTES MUSGOS, HERBIÑAS

Nun lírico estrenar da primavera

A lombeiro dos cumios asoma a luarada.

Cheira a isca e resiñas e loureiros floridos,

acantos, quentes musgos, herbiñas. Nos xardíns

que luxo de camelias, que louvor acendido!

Sobre un luír de azas pulando polo aire

bebo doces venenos, primaverales viños.

E os sámagos do mundo son ámbitos de auroras.

Son acenos de mans, abrochos primeirizos.

Desmemoriado río

Pura Vázquez