SOÑABA A TERRA COMO SÚA

B. figuracións

ORFO DE TODO alén ollaba
a luz vacenta da seriña;
e os ollos, cansos xa de vida,
a Noite longa degoraban.

Os anos seus que relembraba
no por do sol era só cinza; 
e os acios de ouro da acordanza
na derradeira luz ardían.

Soñaba a Terra como súa,
altas searas en seitura,
fraguizas, gándaras, queirogas...

A Moa, Parapar, O Rodo...",
dicía nel mentres xa todo
era de seu reino da Sombra,

Herdo do campo
Arcadio López Casanova

Fotografía © Traveler