ASINA DÍA TRAS DÍA

 Voi dir a meditación,

quiero atopar la verdá,

ye que la televisión

produzme muncha ansiedá.

Lu que cunta una cadena,

cuando’l boletín diariu,

d’amarraces o condena,

la otra espeta lu contrariu.

Asina día tres día,

ya aneciando pasen meses,

por aciu d’una amnistía,

desorde mental amueses.

Si camudes de canal,

hai cocina o puteríu.

¡Qué nun t’enteres, chaval!,

m’endilga un collaciu míu.

Qué ye cultura europea,

depriende del cine nuesu,

quien lu inora, nun lu vea,

ye futuru, ye progresu,

el preséu, l’algoritmu.

Qué nun ye cuestión de xorra,

espierta y a coyer ritmu:

¡zorra, culu!; ¡culu, zorra!

Priendo la televisión,

al envís de garrar dalgo,

ta falando’l Puigdemont,

que diz: porque yo lu valgo.

José Rodríguez Pérez Pindesierra