A VOZ DO FADO

O teu corpo é unha baralla

na que lle boto as cartas

á esperanza.

Pola cortiza longa das túas pernas

corren as cervas

da esperanza.

O teu corpo é unha baralla

na que lle leo á noite a voz do fado

e da esperanza.

Nas moedas lostregantes dos teus ollos

a cara e cruz a sorte miña

e a esperanza.

O teu corpo é unha baralla

que espe de veus o corpo do misterio

e da esperanza.

Berros en voz baixa

Antón Tovar