TESOS CUMES

 

Terras outas e solas

Terras outas e solas!
Serras longas mouras!
Eu son esta coor de soidá

Ancares soñados co lonxe!
Penas de Marco de Medio Mundo en ringuileira do Candedo ás Moás!

Cimo da Devesa!
Alto da Lucenza!
Formigueiros Montouto Pía-Páxaro
tesos cumes do Courel! Pobos pobres
ardidos de tristura mouros de queimados!

Lor ruxindo polo val pecho!

Ucedo e ucedo!
Fontiñas outas
Penedos
Carrozos escuros
Fragas agros soutos e devesas!
Labregos e pastoras
Que sólo vistes
Istes tesos i estas vales!

Aturula a curuxa e canta o cuco
Medindo o tempo quedo que para no cor e tornándose
Contra un veñen cravarse no sitio onde máis se sinte.

Os eidos

Uxío Novoneyra

Fotografías de Roque Soto Soto