PALABRA FINXIDA

Amor nómade

Cada pito unha carta

e cada carta un amor

e cada amor unha ferida.

Así vas ti pola vida,

doce poeta menor

da palabra finxida.

Cando prenderon a chama

os teus ollos levantan voo

a facer noite noutra terra,

cegos a quen os reclama

e ao seu celo,

corazón de lume e guerra

que conquista e nunca ama.

Non hai repouso nin gorida

para o teu breve fulgor,

incerta fogueira aterida.

Así vas ti pola vida,

doce poeta menor

da palabra finxida.

Carmen Martín Gaite

Pintura de Leonid Osipovic Pasternak