O POETA QUE FUCHES

                                       

                                        Bogar, bogar cara a Tiang Chang quixera

                                    Como sinto lontana a nosa primavera!

A chuvia polas rúas
e isas luces
que xa nos anegaron as estancias.

Ramos 
que maio multiplica
e leva a auga.

Aves do mar
Eiquí a nosa cidade:
A fe da primavera
baixo un tempo de barcos.

(Penso en palabras túas
e o Poeta que fuches)

Imposible país
do que nunca partirás

Xohana Torres

Pintura de Ganesh Ulya