NON OS QUEREN OS SOBERBOS

Gabanza dos burriños

 Fixeches os burriños símbolo da homildanza,
e, porque son humildes, ninguén se acorda deles;
si é que lles botan penso pra lles encher a panza
é pra que rexan moito e teñan finas peles.

Non os queren os soberbos da terra pra montalos

-o fausto e a mansedume son malos compañeiros-

son as monturas ricas pra o lombo dos cabalos;

de saco ou lona é a albarda dos burriños tristeiros.

Mais, pra gabanza deles abonda decir esto

que pon o seu liñaxe na outura mais superna:

encol das súas costas levano a Xesucristo

i ao Serafín da Umbría cando subéu ao Alverna.

Faustino Rey Romero

Fotografía de Pablo Vidal