LLETRES Y ACORDES

 

La casa de las aguas

Si pola natura naguas,
defende’l llar ya la faza,
tamién la Casa las Aguas,
el raigañu ya la raza.
 
Los ríos, viescas ya montes,
los cuentos, sones, historias,
regueiros, llagunas, fontes
ya’l monasteriu de Courias.
 
La nuesa fauna gregaria,
vezos ya mitoloxía,
cola llingua milenaria
qu’afalaga en poesía.
 
Flora de valles ya altos,
qu’aporta cura ya arume,
horros, sableras ya saltos,
baxo la nublina en cume.
 
Esos castros o castiellos,
la ilesia, ponte, palaciu,
esi grandor de Muniellos,
el norte, l’orbayu, el xaciu.
 
Museos ya caserías,
el miel, los güertos, castañas,
los dólmenes ya las vías
sobro minas soterrañas.
 
Cola bayura del oru,
que nos pue trayer llaceria,
si se saca ensin decoru,
finando vida ya güeria.
 
El futuru ta na tierra,
la tierra pola que naguas,
si la esqueices, ella berra,
como la Casa las Aguas.



Código de créditos:
Poema: José Rodríguez Pérez (Pindesierra)
Adaptación musical, edición de imagen y vídeo: José Cruz Sánchez (Perpetuo)
Canal: Pindesierra y Perpetuo


Comentarios

Publicacións populares