Solpores da miña vila
Solpores da miña vila,
longos, case eternos.
(Os anos pasan rápidos;
os días lentos).
A luz esbara
polo meu piano lustroso
¿Qué música lle poñemos?
As maos, soñan.
Solpor de prata
sobor do ébano.
Penso nos poetas mortos.
Calma, calma...
Tarde inmóvil, eterna.
Quédase dulcemente
¿en qué soedade, lonxe?
Ceo, ceo, máis ben luz.
Equilibrio diste gris
tan tenro.
Non, non hai paisaxe
nin carne nin sangre.
Solpor da miña vila,
longos, lentos, música.
As maos, soñan.
Sombra do aire na herba
Luis Pimentel
Fotografía de Roque Soto
Comentarios