Viaxeiro
Viaxeiro, que vés de lonxe
e vas de paso.
Coa palabra máis viva
de meu linguaxe, falo.
Repudio as inxusticias
i a libertá procramo.
Digo a miña verdade
e no pobo descanso.
Viaxeiro, que vés de lonxe
e vas de paso.
Teño a luz dos abrentes
i as estrelas reparto.
Estóu cos sofridores,
vivo cos desheredados.
Pelexo contra a noite
e non creo nos anxos.
Viaxeiro, que vés de lonxe
e vas de paso:
dilles aos irmáus da Terra
que é moi triste o País dos Ananos.
Celso Emilio Ferreiro
Fotografía de Roque Soto
Banda sonora:
The Long & Winding Road - The Beatles
Comentarios