E máis illas...
lll
Vogan dornas lixeiras
Vogan dornas lixeiras. Un inocente mar
latexa por infindos vougos de vaguedades.
A presencia mariña das aves flota ingrávida.
onda os corpos espidos das bañistas na tarde.
Son corpos que irradiantes rouban fulgor ó día.
Corpos fluentes. Seda calcinada brillando
no lene vagarío das docísimas brisas.
Ondas que van e veñen abrazan esas formas.
A beleza nacendo dos corpos desvestidos.
Invasoras escumas. Secretas mans as tactan,
mentes cantan á vida. Ós tenros desafíos.
Orballa en tempo lento.
Pura Vázquez (1918-2006)
Fotografía de M. Ángeles Mondelo
Comentarios