EN DESMESURA

O único amor que existe

Eterno amante soy de eterna amada

Quevedo

En realidade, como todos os grandes amantes,

síntese arrebatados <máis alá do ben e do mal>

nunha especie de trascendencia das nosas comúns

condicións nun absoluto indecíbel, cincompatíbel

coas leis do mundo, pero que experimentan

como <máis real que este mundo>.

                                                           Denis de Rougemont

nós queremos, e teremos, o máis alá en vida

                                       Breton

Eterno amante son de tenra amada

do que non existe amor inconcebíbel

o que nos axita máis que un cataclismo

o que nos quita o alento

sen darnos aínda a morte

e que fai sentir en vida o máis alá

o amor extenuante en desmesura

único amor que existe 

e merece tal nome.

Todo a ti

A boca violeta. Claudio Rodríguez Fer

Fotografía: Primavera, de Erwin Blumfeld