Nunca mascotas
Podedes chamarnos animais,
nunca mascotas.
Faremos compañía
se nos peta.
A maior parte do tempo preferimos estar lonxe
de vós,
por se acaso.
Desconfiamos,
non por maldade,
por experiencia
A soidade é mellor conselleira.
Perdoade
se vos ofende
a nosa resistencia.
Preferimos liberdade
a subsistencia.
Somos mamíferos, rumiantes, réptiles, anfibios, insectos,
peixes, feras,
e moitos outros nomes.
Catalogádenos.
Chamádenos en masculino, neutro o feminino (se é que nos tedes medo de verdade).
Chamádenos para que acudamos, berrade para que saiamos fóra.
Chamádenos animais.
Nunca mascotas.
Nunca mascotas
Paula Carballeira
Fotografía de David de la Iglesia
Comentarios