En busca da cagalla do lagarto

xuño 08, 2017

Capas

Moby Grape(Columbia). Primeiro e mellor disco do quinteto asentado na baía de San Francisco e representativo da escena musical californiana en pleno auxe da psicodelia e o ácido. Tres guitarras, unha efectiva sección rítmica e cinco voces perfectamente conxuntadas, foron as principais bazas desta banda que co paso do tempo adquiriu o recoñecemento de público e crítica que no seu momento faltoulle para que desenvolvese unha carreira máis estable. Con todo, aínda que houbo posteriores discos tamén en parte interesantes, o elepé de presentación de Moby Grape sirve como referencia válida para figurar entre as mellores ofertas do rock californiano dos anos 60. Gravado en 1967, contén amplo repertorio de números un que absorben influencias do blues, folk, country, rock e a psicodelia, pero sen caer en improvisacións innecesarias. Rock directo con presenza de contundentes guitarras, cancións apegadizas, algunha balada e voces por encima da media doutros grupos, converteron este disco nun dos mellores do seu tempo dentro do ámbito do pop, pero que non foi moi ben acollido pola crítica ao considerar un despropósito o lanzamento de cinco discos pequenos coa maioría do repertorio do LP. A capa do disco grande mostra unha fotografía de Jim Marshall feita aos membros do quinteto coa estética típica de enrolados da movida do San Francisco sesenteiro.

Cancións: Hey Grandma, Mr. Blues, Fall on You, 8:05, Come in the Morning, Omaha, Naked, If I Want To, Someday, Ain’t No Use, Sitting by the Window, Changes, Lazy Me y Indifference.

Músicos: Jerry Miller (guitarra y voz), Alexander “Skip” Spence (guitarra y voz), Peter Lewis (guitarra y voz), Bob Mosley (bajo y voz), Don Stevenson (batería y voz).

Outras portadas: Grape Jam (1968), Wow (1968), ‘ 69 (1969), 20 Granite Creek (1971), Live Grape (1978) y Moby Grape ’84 (1984).