SOL POR ENTRE AS GALLAS

Amante

Polos vieiros vai

cheo de lúa,

meu amante.

Vai cheíño de lúa.

Brincafollos no sangue.

Lévao a noite. Vai, 

ollos de lúa, buscándome.

Alba deloirada, alba

do infindo amor, afogándome.

Vino pasar cheo de lúa,

polos camiños, amante.

Levábao a noite. Ía,

ollos de noite, buscándome.

Maturidade
Pura Vázquez

Fotogramas de Romeo e Giulietta (1968), de Franco Zeffirelli