Lumbrigar azul lixeiro

Non virán as tardes de dalia e centeo

a acouga-los renxidos e mágoas deste tempo.

Non virá a noite fundida en viño vello

e dentes coma espigas a pousarse no seo.

Non virá a voz nin o corpo nin os beizos

nin as maos destras a cubrirme en sosego.

Non virá a lumbrigar azul e lixeiro

a nacer o arco mollado do seu alento.

O vasalo da armadura de prata

Pilar Cibreiro

Pinturas de István Sandorfi