Pormenor de carta á amada secreta
Por primeira vez escribo
nun sobre
o enderezo da túa casa
A miña carta saberao todo
todo o que eu non sei:
como é o teu barrio a túa rúa
subirá
a escaleira da túa casa
entrará
pola porta onde entras
chegará ao teu mesmo cuarto
Esta carta
que viaxa que vai que anda
que chega non ten ollos
non poderá ver
o que eu ansioso de ti
cos meus ollos moi abertos
tampouco podería ver...
Fotografías de © Candela Pérez Tejelo
Comentarios