Epitafio para espectro en abril
Aos sesenta e tres asasinados
pola ditadura Ortega-Murillo
no noso abril máis triste
e cheo de promesa.
Todas as pancartas falan do espectro.
O espectro que mata rodeado de flores.
Ten o seu corte, un
rexemento sombrío que xa morre
a súa primeira eternidade.
Sesenta e tres
eternidades
terá que percorrer
en morte eterna.
A mancha de abril
será o seu teito, o seu áspero piso,
as paredes que por sempre
lle pecharán a luz.
Francisco Larios
Fotografías de © Reuters/Oswaldo Rivas
Comentarios