Galegos da bohemia
Raros, desgarrados, curiosos, excéntricos, esquecidos son algúns dos adxectivos aplicados ás veces con desprezo a escritores que quedaron para sempre vinculados á bohemia literaria, máis que un movemento artístico: unha forma de vida ou talvez unha pose en determinados casos.
Ao fío da bohemia literaria vén a conto o libro titulado Diccionario de la bohemia. De Bécquer a Max Estrella (1954-1920), de José Esteban. Los Cuatro Vientos-Renacimiento. Sevilla, 2017. Neste volume que pasa das 600 páxinas, agradécese Esteban a inclusión de varios escritores nados en Galicia que por algún ou outro motivo estiveron relacionados coa bohemia, aínda que algúns logo renegasen de tal condición, forma de vida ou "postureo".
Non hai que esquecer a Valle Inclán, bohemio á súa maneira, de quen aparece no subtítulo do mencionado libro o seu personaxe Max Estrella, da súa universal obra Luces de bohemia. E se o escritor de Vilanova de Arousa soubo ver o lado creativo, o positivo e o negativo da bohemia, Esteban mete en axeitada verea uns cuantos nomes que non deixan indiferente a quen os silaba, independentemente da súa valía artística ou da senda perigosa na que andaron.
De cheo na lideira dos galegos que aparecen no mencionado diccionario, por orde alfabética están: Camilo Bargiela, Xavier Bóveda, Julio Camba, Ramón Goy de Silva, Prudencio Iglesias Hermida, José Losada de Monforte, Carlos Miranda, Máximo Ramos, Gonzalo Seijas e Augusto Vivero, ademáis do xa referido Valle Inclán. Deses nomes, un foi artista plástico, outro músico e varios exerceron de xornalistas en diferentes publicacións periódicas.
E de os que quedan quedan como auténticos creadores dun estilo propio están os que máis perduran polas súas obras. Valle Inclan, por un lado,"... nunca dijo adiós a la bohemia. Hay en su vida y en su obra muchos puntos de contacto con aquellos proletarios intelectuales; su desprecio por el dinero, su entrega ideal, a su obra, por encima de toda otra cosa; el sentimiento de fragilidad que ocultaba con su verbalismo prodigioso, la inseguridad ante la vida, que tan difícil se lo puso para trabajar en las condiciones que toda gran obra requiere y un sentimiento de solidaridad con los desfavorecidos de la fortuna, que conservó durante toda su vida. Y hasta cierta ingenuidad en su gran fantasía le emparentaba con aquella tribu ansiosa de libertad y creación", recuerda José Esteban.
Por su parte, o seu veciño de Vilanova de Arousa, Julio Camba, hoxe en día revitalizado, opinaba: "La bohemia, al fin y al cabo, viene a ser algo como una miseria del lujo, como una miseria superflua. Se supone que el bohemio, si se viste de andrajos, si come mal y si duerme poco, lo hace más por temperamento que por necesidad, y que para cambiar de vida le bastaría sencillamente con sentar un poco la cabeza" (Sobre casi todo, 1956, p.23).
Comentarios