Final
E poi ch'a riguardare oltre mi diedi,
vidi genti alla riva d'un gran fiume.
Inferno, III, 70-71
Ao entregar os anos a esa treva
deterei-me na ourela deste rio
por onde as barcas pasan cara á morte.
Anos que son palabras advertindo
a estraña condición que me acompaña.
Por este corazón anugallado
que me fala da morte eu son apenas.
A sombra deixará ver sobre a folla
morta que quede morta no meu paso
noutra sombra que son e agora teño.
Eusebio Lorenzo Baleirón
Fotografías de © Britt M.
Comentarios