Limoeiro
Limoeiro frolido e solprendente
iluminando os ouros do solpor:
nada tés tan fermoso como a fror
nen esiste fror tan recendente.
Limoeiro do Val, luz trascendente,
case mármore frío e brilador:
dime como soportas tanta cor,
como podes ser tan trasparente.
Meu limoeiro frolido e quirogués:
sempre frolecido te estou vendo
sen saber, tí a mín, como me ves.
Eu prefírote así. Así te entendo.
E só che pido, amigo, que me dés
o outísimo don do teu recendo.
Manuel María
Fotografías de ® Roque Soto Soto
Comentarios