AS OLIVEIRAS MÁIS ANTIGAS DE GALICIA
.jpg)
Debaixo da oliveira
Unha fermosa e centenaria oliveira en Montefurado, ao pé do camiño de inverno. Aquí están as oliveiras máis antigas de Galicia. Non estaría demais facerlle unha proba para comprobar a idade, poderiamos levarnos unha agradábel sorpresa. Se a de a Vigo ten 206 anos, a de Montefurado pode ter bastantes máis. Mentres a de Vigo é o símbolo da cidade e está moi protexida e coidada, a de Montefurado parece estar aí sen que lle fagan moito caso.
A oliveira é a árbore máis venerada por parte das diferentes culturas e relixións. É o símbolo da eternidade porque pode vivir miles de anos, incluso despois de varios incendios.
Unha oliveira en Mouriscas, Abrantes, Portugal (Oliveira do Mouchão) é unha das oliveiras coñecidas máis antigas que aínda viven, cunha idade estimada de 3.300 anos, plantada aproximadamente a comezos da Idade de Bronce. Outra, tamén en Portugal, de Santa Iria de Azóia ten máis de 2.850 anos.
Merece a pena visitar Montefurado, non só pola Boca do Monte, senón tamén pola oliveira, a igrexa, os vellas rúas, as covas na terra para gardar o viño, a fonte romana...
Mentres debuxo véñenme á memoria dúas cantigas, unha portuguesa e outra galega que ben poderían ir xuntas e a galega ser a contestación da moza a oferta de amor do mozo.
non vai frío nin orballo.
Meniña, se has de ser miña
non me deas máis traballo.
non se pode namorar
porque a folla miudiña
non deixa pasar o ar.
Outra di:
o vento lévalle a flor;
só a min niguén me leva
da beira do meu amor.
Texto e imaxe de Manuel R. Crespo
Comentarios