SOMBRAS DE LARANXEIRAS

 

Acuarela

Co ceo gris

a copla

triste de Sevilla

afínase, afínase.

En auga sen sol,

sombras de laranxeiras

enterran azares.

Arriba,

nas altas miras

esperan as nenas

os barcos de ouro.

Abaixo,

agardan os mozos

que se abran cancelas

a patios sen fondo.

Sen rubor quedan,

pálidas as torres.

Desde as beiras

as desesperadas

luces suicidas

ao río lánzanse.

Cadáveres lentos,

rosa, verde, azul,

azul, verde, rosa

lévallos a auga.

Pedro Salinas