ENXAMES E GLICINAS

 

Wisteria da China

Hay unha confidencia na floresta

coroada de enxames e glicinas

Será a Morte rito de transición,

canseira da beleza da corola?

Por un vento que derruba columnas

donde os altivos lugares dos cetros,

como encarnan os terribles arcanxos,

ao gume das ardentes espadas

incendian os secretos como palla, 

esnaquizan nosa rebelde imaxe !

Máis alá do espello a loita cesa

Perdido o paraíso é clemencia a baía,

certo Areal de Cangas, de Liméns,

confiados como dádiva aos ollos.

O home é o remorso dun antigo desexo.

O corazón, espuma. Longos peixes durmidos.

Vida, lesión que nunca cura, que lavamos

de xeonllos, pola beira da auga.

Xohana Torres

Pintura de Thomas Kincaid/Lee Bogle