CANTABA LONG AGO AND FAR AWAY

Hai moito tempo

Nunha casa na que estiven cando mozo
Mirei por unha porta entreaberta

Un vello cantaba "Long ago and far away"

A un cabalo de madeira. Era o avó dun amigo

Que perdera no mar o seu fillo primoxénito

Había medio século

No naufraxio dun barco cun nome  que non lembro.

Cada vez que escoito esa triste canción

Retorno a aquela casa, á mesma porta.

Unha muller tírame da manga.

"Vaite", dime. "Déixao en paz."

Aínda que cante, xa non está alí.

O cabalo abala como a mar.

O mar está por todas partes

E o cuarto é borrasca e choiva.

Dante' s drum exit (1993)

Douglas Dunn