CHIFROS DO MAR, ESCURAS SINFONÍAS
.jpg)
Muller espida con mar ao fondo(Margarida: ¿onde escondiche
o merlo novo que canta?)
o merlo novo que canta?)
Amañá dorme núa e preguizosa
no brando berce do areal deitada.
no brando berce do areal deitada.
Pasan sombras de nubes viaxeiras
sobre un vento livián de pombas brancas.
(Margarida: as túas maus
cofean a frol da iauga)
cofean a frol da iauga)
Iste é o mar das dornas e solpores
con balbordos de torres sulagadas.
con balbordos de torres sulagadas.
Iste é o mar das ondas manseliñas,
dos boscos silandeiros de abelainas.
dos boscos silandeiros de abelainas.
(Margarida: polas veas
un río de mel che pasa)
un río de mel che pasa)
Aquelas son as illas miragrosas
en ronselves de páxaros labradas,
chifros do mar, escuras sinfonías
nun ceo de mazás e de laranxas.
en ronselves de páxaros labradas,
chifros do mar, escuras sinfonías
nun ceo de mazás e de laranxas.
(Margarida: encaixes fríos
polas virillas che baixan)
polas virillas che baixan)
Aquelas son as roitas transparentes
de lúase de estrelas perduradas
por onde os meus anceios de outro tempo
dícenlle adiós aos soños e lembranzas.
de lúase de estrelas perduradas
por onde os meus anceios de outro tempo
dícenlle adiós aos soños e lembranzas.
(Margarida: ¿onde escondiche
o merlo novo que canta?)
o merlo novo que canta?)
O soño sulagado
Celso Emilio Ferreiro
Celso Emilio Ferreiro
Fotografías de © Magdalena Wosinka
Comentarios