LETRAS PASSIONAIS

Carta

Pode aconter que umha carta,

agardada e desejada, seja

lança de luz e de nostalgia,

ferida de damasquinada espinha

imerecido, melífico louvor.

Agora a gente já nom escreve

cartas. Usa-se só a case

vil correspondéncia comercial.

Pero sempre esperamos umha carta

e, aínda que a recebamos e tenhamos

sonhado e chorado mornamente

sobre as suas letras passionais,

escritas con água, lume ou ar,

pode suceder que nunca

chegará ás nossas maos baleiras

a carta maravihosa que agardamos.

Oráculos para cavalinhos-do-demo
Manuel María