MAPAS, AGOIROS, TELÉFONOS

A forma de querer ti

A forma de querer ti

é deixarme que che queira.

O si con que me rendes

é o silencio. Os teus bicos

son ofrecerme os beizos

para que os bique eu.

Xamais palabras, abrazos,

diranme que ti existías,

que me quixeches: xamais.

Dinmo follas brancas,

mapas, agoiros, teléfonos;

ti, non.

 

E estou abrazado a ti

sen preguntarche, de medo

a que non sexa verdade

que ti vives e quéresme.

E estou abrazado a ti

sen mirar e sen tocarche.

Non vaia a ser que descubra

con preguntas, con caricias,

esa soidade inmensa

de quererche só eu.

Pedro Salinas