RUBEN HEDRAS DE MÚSICA

 O gaiteiro

Este home trae herba nos pés
e un regato de violís nas maus.
Polas súas coxas
ruben hedras de música.
Non petedes nas portas de noite
nin botedes a rolo as pombiñas,
que este home
trae tódolos paxaros na súa gaíta.
Xa non se deitan nenos polos prados.
O gaiteiro fai fitas de millo
e na súa boca hai vento de oriolos.
A mesma chuvia, vertical citola,
non baixa desde Deus, rube da gaita.

Luz Pozo Garza